TAUHID MA'RIFAT 'AM
﷽
ADAT ( العادة )
Hukum adat netepkeun perkara sejen
Tawa ngeuweuhkeun perkara tinu sejen
Ku pedah parantos remen kapecakna
Sah sulaya jeung henteu aya tapakna
Cara netepkeun misti ayana tutung
Dina barang anu kana seuneu tepung
Tawa netepkeun misti ayana montok
Dina barang anu kana gemuk adek
Damel Alloh na adat tilu rupana
Ngawujudkeun nu disambung kahijina
Kaduana ngawujudkeun anu nyambung
Katiluna nyambungkeun mu'min tong bingung
Hukum adat kana tilu kabagina
Wajib Mustahil Wenang nu katiluna
Ngaran wajib ceuk adat misti ayana
Teu kaharti ku adat dina euweuhna
Ku pedah parantos remen kapecakna
Sah sulaya jeung henteu aya tapakna
Cara netepkeun misti ayana tutung
Dina barang anu kana seuneu tepung
Tawa netepkeun misti ayana montok
Dina barang anu kana gemuk adek
Mustahil ceuk adat nu misti euweuhna
teu kahartos ku adat dina ayana
Ku pedah parantos remen kapecakna
Sah sulaya jeung henteu aya tapakna
Cara netepkeun misti euweuhna tutung
Dina barang anu kana seuneu tepung
Ngaran wenang ceuk adat nu kahartieun
Na ayana jeung euweuhna kapikireun
Ku pedah parantos remen kapecakna
Sah sulaya jeung henteu aya tapakna
Cara na dagang aya rugi jeung untung
Geus biasa rugi ge teu jadi bingung
Hukum adat eta wajib dihormatna
Mun teu dihormat Jabariyyah ngaranna
Dawuhan Gusti Alloh dina Al Qur'an
i۩ ْلَهَا مَا كَسَبَت tuluyna pikiran
Amal hade manfaat kana dirina
Amal goreng madhorot kana dirina
Hukum adat sok dianggo dadasarna
ku hukum syara pek bacakeun ayatna
وَلاَ تُلْقُوْا بِاَيْدِيْكُمْ اِلَی التَّهْلُكَۃٍ
Hartosna haram maraneh teh nibakeun
Kana diri dinu jadi karuksakan
Dalil naqli yen adat henteu napakan
اَللّٰهُ خَلَقَكُمْ وَمَا تَعْمَلُوْن
Hartosna Alloh ngadamel ka maraneh
Jeung ngadamel pagawean mararaneh
Deui dalil naqli adat teu napakan
Surat Taubah Lima Hiji dina Qur'an
قُلْ لاَ يُصِيْبَنَا اِلَّا مَا كَتَبَ اللّٰهُ لَنَا
Moal aya nu keuna ka urang kabeh
Anging anu tos dipastikeun ku Alloh
cag...!!!
Posting Komentar