TAUHID MA'RIFAT 'AM
﷽
ADAT SAH SULAYANA
Ari adat nalika tepungannana
sabab jeung musabab kongang sulayana
Sing telik syarat ittishol patepungna
Syarat irtibath teh aya tumalina
Mun taya ittishol reujeung irtibathna
Tah luar adat lima hukumna
Mun ti Nabi eta Mu'jizat ngaranna
Mun memeh jadi Nabi Irhash ngaranna
Mun ti Wali eta Karomah ngaranna
Mun ti Mu'min soleh Ma'unat ngaranna
Mun ti Kafir atawa ti Mu'min fasik
Eta Sihir Istidraj najan kasedek
PERSAMBUNGAN ADAT
Bagian nyambungna adat aya opat
Hiji aya kana aya kade lepat
Aya kana euweuh anu kaduana
Euweuh kana euweuh anu katiluna
Euweuh kana aya anu kaopatna
Sing kahartos contona hiji hijina
Conto persambungan aya kana aya
Saperti ayana dahar wareg aya
Conto persambungan aya kana euweuh
Saperti ayana dahar lapar euweuh
Conto persambungan euweuh kana euweuh
Saperti euweuhna dahar wareg euweuh
Conto persambungan euweuh kana aya
Saperti euweuhna dahar lapar aya
Ari wujudna sadaya kajadian
Sanes ku sabab tapina ku Pangeran
Cag...!!!
Posting Komentar